ARSACES

I.

ARSACES

Armeniae Rex ad quem Iulianus Apostata blasphemas in Christum literas misit, illumque, qui Christianus erat, contra Persas prosicisci secum coegit, Sozom. l. 6. c. 1. Quô defunctô, Persas Arsaces inimicos habuit, quibus diu feliciter restitit. Socius et amicus fidus Romanorum, qui cum opem se non amplius laturum Iovinianus Imperator Saport Persarum Regi ad ignobilem ab hoc adactus pacem, iurâslet, tantum odium sibi conflavit, ut in reditu etiam a mulierculis derideretur. Tandem a Sapore in insidias pertractus Arsaces, foederis spe iniectâ, oculis primo, mox vitâ privatus est. A. C. 369. Amm. Marcellin. l. 27. Oros. l. 7. c. 19. Eutrop. l. 10.

II.

ARSACES

Artabani fil. natu maximus, a Patre Armeniae, defunctô Rege Artaxiâ, praepositus, Tacit. l. 6. Hist. c. 31. 33. Item, Eunuchus, Sevuis Themistoclis secundo ad Xerxem missus, Vide Polyaen. l. 1. c. 30. n. 3.

III.

ARSACES

Pharnacis Ponti et Armeniae Regis fil. Straboni memoratus, l. 12. Item Armemus civis, proditionis convictus a Iustiniano Imperatore hoc suppliciii genus tulit, ut Camelo insidens, ac per urbem circumductus se omnibus visendum praeberet. Cael. Rhodig. l. 7. c. 18.

IV.

ARSACES

ab Alexandro M. missus in Mediam, ut illâ praefecturâ Oxidates discederet. Curt. l. 8. c. 3.

V.

ARSACES

ex semine Chaichosron, h. e. Cytri, ut est in Chron. Pers. Parthorum Rex primus, cuius memoriae hunc honorem Parthi tribuerunt, propter quaesitum, constitutumque ab eo regnum, ut omnes deinde Reges suos Arsaces appellaverint. Iustin. l. 41. c. 5. Strab. l. 14. Photius, Bibl. c. 68. Euseb. Chron. Suid. etc. Quin et Parthi ipsi ab eo dicti Arsacae Straboni, aliis Arsacidae. Lucan. l. 1. v. 107.

Plus illa vobis acie, quam creditis, actum est,

Arsacidae. ---- ---- ----

Hinc Arsacius, pro Parthicus. Martiali l. 9. Epigr. 36. v. 3.

Quicquid in Arsacia Pacorus deliberat aula.

Claudian. Panegyr de 4. Consul. Honorii, v. 216

Barbarus Arsacio consurgeret ore tiaras.

Apud Tacitum l. 1. Hist. c. 40. Arsacidarum solum, pro regno Parthorum. Servius, ad Aen. l. 6. v. 760. Albani omnes Reges dicti sunt XYLVII, ab huius (Sylvii nimirum Aeneae filii) nomine: sicut hodieque Romani Imperatores AUGUSTI vocantur: AegyptiiPTOLEMAEI: Persae ARSACIDAE: Latini MURRANI, etc. Solet enim plerumque fieri, ut primi Regis nomen reliqui possideant, ut idem observat, ad Aen. l. 12. v. 529. Notandum autem hîc, Persas Servium pro Parthis dixisse, vel sollenni quôdam auctorum more confundentium populorum nomina, vel quia retinuit imperii nomen, quod invaserant Parthi, ante quos Persae regnaverant. Ita Horat. cum l. 3. Od. 5. v. 4. initiô Augustum graves Persas, ut ipse appellitat, adiecisse imperio scribit, de Parthis intelligendus est. nec aliter Persarum capiendum vocabulum, in Aurelio Victore, est, cum de Augusto prodit, Huic Persae obsides obtulerunt, creandique Regis arbitrium permiserunt. Gloslarum veterum auctor Arsacidarum vocem, de universa Parthorum gente, interpretatur: Arsacide, Πάρςθοι Regnare autem coepit hic Arsaces, Seleucidarum iugô (Callinicô imperante) excuslô, A. M. 3808. feliciteruqe rexit, ann. 38. Iustin. l. 4 c. 4. Succeslores eius regnum tenuerunt, usque ad Alexandrum Mammaeae fil. quô imperante Artabanus ab Artaxerxe peremptus est. A. C. 227. Ex prisca tamen Arsacidarum nobilitate Basilius Macedo Imperium Orient. tenuit, A. C. 866. Cedrenus, Curopalates. Illum excepit Arsaces II. fil.